विशाल सायकल मैराथन चे आयोजन

 शहरात दिल्लीच्या धर्तीवर प्रदूषणाची पातळी खालावली आहे. यासाठी प्रदूषणाचे महत्व विध्यार्थीदशेतच मुलांना कळावे. यादृष्टीने जनकल्याण समिती परळ भागाच्यावतीने तेजोमय भारतासाठी सशक्त विध्यार्थी घडवूया! पर्यावरण राखूया, सायकल चालवूया या सामाजिक उपक्रमांतर्गत रविवार, दि.२९ डिसेंबर रोजी 'सायकल म्यॅराथान' चे आयोजन करण्यात आले.

 

समितीच्या या उपक्रमाला विध्यार्थांनी उत्स्फूर्त प्रतिसाद दिला. सकाळच्या ऐन कडाक्याच्या थंडीतही शेकडो विध्यार्थांनी आपली उपस्थिती दर्शवली. वीर जिजामाता उद्यान (राणीबाग) ते दादर टीटीपर्यंतच्या या 'सायकल मैराथान' मध्ये शेकडो विध्यार्थांनी सहभाग घेतला होता. मुंबईच्या महापौर किशोरी पेडणेकर यांच्या हस्ते झेंडा दाखवून या मैराथानला सुरुवात करण्यात आली.

 

यावेळी जनकल्याणसमितीचे अध्यक्ष संदीप वेलिंग, म्हाडाचे सभापती मधू चव्हाण, पालिकेच्या स्थायी समितीचे अध्यक्ष यशवंत जाधव, नगरसेविका सुरेखा लोखंडे, नगरसेवक रमाकांत रहाटे आदी मान्यवर उपस्थित होते. यावेळी संस्कार वर्ग संयोजिका चित्रा वेलणकर यांच्या हस्ते सायकलव्दारेघरोघरी लहान बाळांना तेल मालिश करून उदरनिर्वाह करणाऱ्या मधुर वायकर यांना नवीन सायकल देऊन सन्मानित करण्यात आले.

 

या सायकल मैराथानमध्ये नोंदणीकृत ७०० बाल सायकलस्वारांपैकी मोठ्या गटात ५८२ आणि छोट्या मुलांच्या गटात ७४ बाल सायकलस्वार मिळून एकूण ६५६ सायकलस्वारांनी सहभाग घेतला होता. या उपक्रमासाठी जनकल्याण समितीचे परळ विभाग कार्यवाह प्रताप परब यांच्या नेतृत्वाखाली अनिल तोरसकर, सुनील खाड्ये, सुधीर देवळेकर, चंद्रशेखर परब, अमेय मंडलिक यांच्यासह १५० पुरुष आणि महिला नियामकांनी मोलाची कामगिरी बजावली. या सायकल मैराथानसाठी महानगरपालिका, वाहतूक पोलीस तसेच विभागीय पोलीस स्थानकाच्या कर्मचाऱ्यांनी विशेष मेहनत घेतली.